Jølstrevatnet er kjent som eit av Noregs beste fiskevatn! Rekorden på stang har Sverre Amundsen frå då han tok ein storaure på 12,1 kg på sluk våren 1996.

Prisen på fiskekort i Jølster er for eit dagskort kr. 120,- og 600 kr for veke og 1000 kr for sesong. Dette er eit felles fiskekort som gjeld for stangfiske, oterfiske og alle andre typar sportsfiske. (ikkje garnfiske) i heile gamle Jølster kommune. Korta kan kjøpast hjå turistbedrifter/forretningar/bensinstasjonar i gamlekommunen.

De kan og kjøpe kort på internett gjennom portalen til Inatur og via SMS. Jølster har terreng som gir gode høve til småviltjakt i slutten av september og framover. Jaktkort for småviltjakt kan ein kjøpe m.a. på Lunde turiststasjon, bensinstasjonane på Skei, og Vassenden (Jølstraholmen).